காலத்தே பயிர் செய்

பருவம் அது
பார்த்திருக்கச் சொல்லாமலே
செல்லும்

அதனாலே நீ
காலத்தே பயிர்செய்
கவலையின்றி வாழ்ந்திட

ஏழுவயதில்
ஆவலாய் இருக்கும்
பெரியவனாய் ஆக

ஆசைப்படாதே அதற்கு
ஆசைப்படு நீ
ஏழுவயதிலே வாழ

கூடி விளையாடு
குறும்புகள் செய்
கூட்டமாய் கும்மாளமடி

வேண்டியதை உண்
விரும்பியதைச்செய்
தடைபோடார் யாரும்

நன்றாய் கல்விகொள்
நயமுடன் பலதும் பயில்,
பருவம் போனால் வராது.

ஆசைப்படுவர் பலர்
காலம் கழிந்தபின்,
பள்ளிநாளையெண்ணி.

வெண்புறாவாய் பள்ளிசெல்ல
வீம்புச்சண்டைபோட
வீதியில் கூடிப்பேச.

எதுவும் முடியாது
முடிந்தால் பருவம்.அதனால்
முடிந்தமட்டும் வாழு பருவத்தில்.

பின் நினைவுகளை
கனவிலே கூட்டாதே
கூடி விளையாடு நீ,

பதினாறில் நன்றாய்
படி, பதினெட்டிலும்
படி.

ஏனெனில்
செந்தக்காலுக்கு செம்மையானது
கல்வியே,

அடுத்தவரை நம்பி
அழும்போது தான் புரியுமிது
அதனால் உலகையும் கல்

சந்தோசமாய் வாழ
சகதிக்குள் விழுந்திடாமல் நீ
சாதனைகள் புரிய,

பருவத்தே பலதும் படி
பாசமுடன் வாழு
பருவத்தை விடாதே,

போனால் வராது
கனவுகளோடு போவது
பருவமே.